රෝස මලේ නටුවේ කටු

වසන්ත සමයේ නුවරඑළියට යන බොහෝ දෙන හක්ගල උද්භිද උද්‍යානයට යාමට අමතක කරන්නේ නෑ. එහි ඇති නොයෙකුත් වර්ණයන්ගෙන් යුත් රෝස මල් බොහෝ දෙනාගේ නෙත් සිත් පැහැර ගන්නවා. මේ එවැනි පුෂ්පයන්ගේ ඡායරූප එකතුවක්.

නාච්චාදුව වැව - අනුරාධපුරය

දෙවන සේන රජතුමා විසින් ක්‍රිස්තු වර්ෂ 998 දී ඉදිකරන ලද නාච්චාදුව වැව අක්කර අඩි 45000 ක ධාරිතාවයකින් යුක්ත වේ. 1906 දී රජය විසින් නැවත පිළිසකර කර තිබේ. අනුරාධපුරයේ වන්දනාවේ යන බොහෝ දෙනා ජලස්නානය පිණිස මෙහි පැමිණේ.  

බදුල්ල - පස්සර මාර්ගයේ පිහිටා ඇති දියඇල්ලක්

වැසි සමයක බදුල්ල - පස්සර මාර්ගයේ ගමන් කරන විට බොහෝ සුන්දර දසුන් දකින්න පුළුවන්. මේ එවැනි සුන්දර දියඇල්ලක්.

පොසොන් සඳේ රැස් කිරණෙන් බැබළෙන මිහින්තලා පුදබිම

මිහින්තලා පුදබිමේ පිහිටා ඇති බුද්ධ ප්‍රතිමා වහන්සේ

මහියංගනයේදී ඡායාරූපයට නැඟුනු අලංකාර භූ දර්ශනයක්.

මහියංගනයේදී ඡායාරූපයට නැඟුනු අලංකාර භූ දර්ශනයක්. දහඅට වංගුව මාර්ගය වැටී ඇත්තේ ඈතින් පෙනෙන කඳුපෙළ හරහාය.

බොල්ගොඩ නදී තීරයේ ගතකල සුන්දර සැන්දෑවක්

බොල්ගොඩ නදී තීරයේ ගතකල සුන්දර සැන්දෑවක්

වෙසක් තොරණ

2600 වෙනි සම්බුද්ධත්ව ජයන්තිය වෙනුවෙන් ඉදිවූ වෙසක් තොරණක්.

පේරාදෙණිය උද්භිද උද්‍යානය

පේරාදෙණියේ රාජකීය උද්භිද උද්‍යානය 1821 දී ආරම්භ කරන ලදී. මෙහි විශාලත්වය අක්කර 147 කි.

හිරු බැස යන මොහොතකදී

හිරු බැස යන මොහොතක අම්බුළුවාව කඳු මුදුනේදී ලබාගත් ඡායාරූපයක්!

පුංචි ලෝකාන්තය

නකල්ස් සංරක්ෂණ වනාන්තරය තුල පිහිටා ඇති පුංචි ලෝකාන්තය.

සුන්දර නුවරඑළිය

නුවරඑළිය යනු ලංකාවේ මධ්‍යම කඳුකරයේ මිටියාවතක පිහිටි සුන්දර නගරයකි. අප්‍රේල් මාසයේ මෙහි වසන්ත සැණකෙලිය පැවැත්වෙන අතර  සංචාරය කිරීම සඳහා උචිත කාලයද මෙය වේ.

ආරුගම් බේ මුහුදු තීරය

ආරුගම් බේ මුහුදු තීරය අම්පාර දිස්ත්‍රික්කයේ පොතුවිල් නගරයට ආසන්නව පිහිටා ඇත. දිය මත ලිස්සා යාම (surfing) සඳහා ලෝකයේ ඇති හොඳම ස්ථානයකි.

මහනුවර ශ්‍රී දළදා මාලිගාව

බුදුරජාණන් වහන්සේගේ වම් දළදා වහන්සේ වැඩ සිටින මහනුවර දළදා මාලිගාව

පින්නවල අලි අනාථාගාරය

පින්නවල අලි අනාථාගාරය කෑගල්ලේ සිට 10Km පමණ දුරින් පිහිටා ඇත. 1975 වර්ෂයේදී හෙක්ටයාර් නමයක භුමිභාගයක මෙය ආරම්භ කරන ලදී. මෙම ඡායාරූපයෙන් දැක්වෙන්නේ අලිරංචුව මහඔයේ දිය නෑමේ යෙදී සිටින ආකාරයයි.

දුන්හිඳ දියඇල්ල

බදුල්ල නගරයට කි.මි 5ක් පමණ දුරින් පිහිටි දුන්හිඳ දිය ඇල්ල ලංකාවේ ඇති අලංකාරතම දිය ඇලි වලින් එකකි. එහි උස අඩි 210 කි. එනම් මී 64කි. දිය ඇල්ල පාමුල පැතිර පවත්නා මීදුම (ජල වාෂ්ප ) මෙයට එම නම ලැබීමට හේතුවයි. (සින්හලෙන් "දුන්" යනු මීදුම හෙවත් දුම යන්නයි ) බදුලු නගරය හරහා ගලා බසින බදුලු ඔය මේ දිය මනරම් දිය ඇල්ල නිර්මාණය කරයි.

[source: http://si.wikipedia.org/wiki/දුන්හිඳ_ඇල්ල]

වැවුරුකන්නල බුදුරජ විහාරයේ නිරූපිත නිරයේ දර්ශනයක්

නරකයෙහි උපන් සත්ත්වයන් අල්ලා ගත් නිරය පාලයෝ ඔවුන් යමරජු වෙතට ගෙන යති. එසේ යමරජු හමුවට ගෙනා නිරිසතෙකුගෙන් තමා කල පව් පිළිබද විමසන ආකාරය මේ මුර්තිය මගින් දැක්වේ.

වෙහෙරහේන පුර්වාරාම රජමහ විහාරයේ බුද්ධ ප්‍රතිමා වහන්සේ.

වෙහෙරහේන පුර්වාරාම රජමහ විහාරයේ අසුඅට රියන් බුද්ධ ප්‍රතිමා වහන්සේ.

[http://si.wikipedia.org/wiki/වෙහෙරහේන_විහාරය]

දීඝවාපී ස්ථූපය

ශ්‍රී ලංකාවේ දිගාමඬුල්ල (අම්පාර) දිස්ත්‍රික්කයේ තිබෙන දීඝවාපිය නොහොත් දීගවාපීය 3 වැනි සියවස (ක්‍රි.පු) දක්වා දිවෙන ඉතිහාසයකට උරුමකම් ඇති පුරාවිද්‍යාත්මක වටිනාකමෙන් යුක්ත සිද්ධස්ථානයකි.

[si.wikipedia.org/wiki/දීඝවාපී]

ගාලු කොටුවේ ප්‍රදීපාගාරය

පෘතුගීසීන් විසින් මුලින්ම ඉදිකරන ලද ගාලු කොටුව අද යුනෙස්කෝ ලෝක උරුමයක් ලෙස ප්‍රකාශයට පත්කර ඇත. මෙම ඡායාරූපයෙන් දැක්වෙන්නේ ගාලු කොටුවේ දක්නට ලැබෙන ප්‍රදීපාගාරයයි.